Department of Conservation | Te Papa Atawhai
https://www.doc.govt.nz/
https://www.doc.govt.nz/
Introduction
Ka nui ake pea i te kotahi te nui o ngā pokapū e haere ai koe ki te tiki i ētahi whakaaetanga e taea ai tō haere me ō taonga. Ki te kore he whakaaetanga, ka kōhakina pea ō taonga i a koe e hāereere ana.He tirohanga whānui
Kua hangaia ētahi taonga ki te hua kararehe, pērā i te huru manu, te niho me te wheua. Me whiwhi rawa te tangata i te whakaaetanga e mutu ai te whakawhiti taiharatanga i ngā pae whenua o ngā momo mōrea, ngā momo whakaraerae, me ngā momo e whakahāwinitia ana.
Ākona ētahi atu kōrero ki Convention on International Trade in Endangered Species (CITES)
Hei mahi māu
I mua i tō haere
I mua i tō haere, me whakapā atu koe ki:
- Te Papa Atawhai
- Te Manatū Taonga
- Te mana CITES i te whenua e haere ai koe.
Me mōhio rātou:
- he aha te taonga me ngā mea i hangaia ai te taonga
- te tawhito o te taonga, te rā rānei i whiwhi ai koe i te taonga
- te wāhi e haere ai koe, ā, mēnā rānei ka whakahoki mai koe i te taonga ki Aotearoa.
Mā rātou e whakatau mēnā rānei me whiwhi whakaaetanga koe, mā rātou hoki e whakamōhio atu he aha ngā mahi hei mahi māu.
I a koe e hāereere ana
Hei te wā ka whiwhi koe i ō puka whakaaetanga:
- kawea ngā puka ki te taha o tō taonga
- whakaaturia atu ki ngā kaimahi pae whenua i a koe e wehe atu ana, e hoki mai ana anō hoki
- tāruatia ngā puka hei whakamau māu anō. Ka puritia ngā mea taketake e ngā kaimahi pae whenua.
Hei tō hokinga mai ki Aotearoa, whakapuakina ngā taonga i tō kāri haeretanga i raro i te wāhanga ‘kararehe me ngā hua kararehe’.
Ka hia te roa o te whakarite whakaaetanga?
Ka roa pea te wā o te whakarite i ngā whakaaetanga e tika ana. Nō reira, kia tōmua te tono ka tika.
I te nuinga o te wā, ka iti iho i te 20 rā mahi te roanga o te wā e whakaritea ai ngā tono CITES mō te hoko whakawaho me te hoko whakaroto, me ngā tono mō ngā tiwhikete nō mua i te CITES.
Whakapā mai
Me he pātai āu, whakapā mai ki te tīma CITES o Te Papa Atawhai ki cites@doc.govt.nz.